Davlat xizmatchilari kitobxonlikni targ‘ib etishga bel bog‘ladilar

Farg‘ona viloyatida davlat xizmatchilari o‘rtasida kitobxonlikni keng targ‘ib qilish maqsadida viloyat hokimining “Davlat xizmatchisi kutubxonada bir kun” loyihasini tashkil etish va o‘tkazish bo‘yicha qo‘shimcha chora-tadbirlarga oid qarori qabul qilindi.

Mazkur tashabbus doirasida Farg‘ona tumani hokimi o‘rinbosarlari va tuman hokimligi apparat xodimlari tuman Axborot-kutubxona markaziga a’zo bo‘ldilar. Tadbir davomida ishtirokchilar kitobxonlik va mutolaa madaniyatini rivojlantirish, kitob o‘qish orqali bilim va tafakkurni yuksaltirish masalalari yuzasidan fikr almashdilar.

Davlat xizmatchilari tomonidan ushbu loyihaning amalga oshirilishi aholi orasida kitobxonlikni ommalashtirish, mutolaa madaniyatini shakllantirish hamda ilm-ma’rifatga bo‘lgan qiziqishni oshirishga xizmat qiladi. Shu bilan birga, davlat boshqaruvida faoliyat yurituvchi xodimlarning intellektual salohiyatini oshirish, ularning dunyoqarashini kengaytirishga ham turtki bo‘lishi kutilmoqda.